කොටස් වෙළෙඳපොළ 7,000 න් පහළට ඇදවැටෙයි

කොළඹ කොටස් වෙළෙඳපොළ ප්‍රධාන මිල දර්ශකය වන සියලු කොටස් මිල දර්ශකය අද (18) දිනය තුළ දී ඒකක 113.80 කින් පහළ යන ලදී. මේ අනුව දිනය අවසානයේ දී සියලු කොටස් මිල දර්ශකය දැක්වුණේ ඒකක 6,930.76 ක් ලෙසයි.

2021 ජනවාරි 05 දිනෙන් පසු ගනුදෙනු සමාප්තියේ දී සියලු කොටස් මිල දර්ශකය අගය ඒකක 7,000 ට පහළින් දැක්වුණු පළමු අවස්ථාව මෙය වේ.

මේ අතර S&P SL20 දර්ශකය ඒකක 42.14 ක පහළ යාමක් අද දින වාර්තා කළ අතර ඒ අනුව දිනය අවසානයේ දී එය ඒකක 2,774.78 ක් ලෙසින් සටහන්ව තිබුණි.

දිනයේ ගනුදෙනු පිරිවැටුම රු. බිලියන 1.29 කි.

LOLC, එක්ස්පෝලංකා හෝල්ඩිංග්ස්, බ්‍රවුන්ස් ඉන්වෙස්ට්මන්ට්ස්, මෙල්ස්ටාකෝප් හ වැලිබල් වන් යන සමාගම්වල කොටස් මිල ගණන් පහළ යාම දිනය තුළ සියලු කොටස් මිල දර්ශකයේ කඩා වැටීමට වැඩි වශයෙන් බලපාන ලදී.

(Courtesy of adaderanabiz.lk)

Leave a reply: